كيف نعامل الكفار في بلادنا :

الحمد لله والصلاة على رسول الله
واول كلامي سلام




كيف نعامل الكفار في بلادنا :


في ناس لمن يشوف واحد عندنا يايسبو
او يهينو او مثلا لو جا يبغى مصلحه منك
يهينو و يزلو و لا يتكبر عليه ويعطلو امورو
الشي دا بينعكس سلبي على ديننا !!


كـــــــــــــــــــــــيف ؟



انا اقلكم :


لو مثلا دحين شفت كافر ماشي في الشارع
رحت انتا عاد وسبيتو واهنتو او اي حاجه مو كويسه
ايش حيقول ؟؟؟

حيقول ايش الدين حقهم دا الي ما يحترم البني ادم
ويهينو ويقول والله ما اسير مسلم لو ايش
يقوم يكره الاسلام .. لا ولمن يرجع بلدو يحكي
اقاربو واصحابو واهلو ... انو ديننا مافي معامله
و......و..... يقومو كل الي هناك في بلدو مايسلمو
وسبو اسلامنا ويعادو اكتر واكتر


لـــــــــــــــــــكن :

لو مثلا شفت كافر ماشي تبتسم في وجهو
حيستغرب !!! حيقول اشبو دا !!!
مره تانيه سلم عليه واضحك واهرج معاه
حينبسط يقوم يقول والله المسلمين دول مافي
زيهم اخلاق , ادب , ومعامله ياسلام عليهم
يقوم يتحمس يدخل في الدين ... لا ولمن يرجع
يحكي اهلو وقرايبو ويتحمسو هما كمان انهم يدخلو
في الاسلام ....


الدين المعامله ليش ؟؟؟؟؟

عشان نفوسنا تحب المعامله الطيبه وتحنن القلب
ربنا عارف البني ادم عشان كده الدين المعامله
طبعا لازم نيتك تكون لمن تعاملو عشان يدخل
في الدين حقنا هو واهلو واقاربو واصحابو

مين قدوتنــــا ؟؟؟؟

الرســــول عليه الصلاة والسلام

كيف كان يعمل اليهود ؟؟؟؟

كان جار الرسول يهودي وكان اليهودي دا
كل يوم يرمي زباله قدام بيت الرسول
الرسول ماكان يسويلو شي . كان بس يشيلها
بيدو الكريمه ويرميها فلمن جا يوم مالقى زباله
سال عن اليهودي ولقاه لقاه مريض عارفين ايش سوا ؟؟
ياحبيبي يارسول الله .. راح زارو راح يسال عنو ويتطمن عليه
لمن اليهودي شاف الرسول كيف يعاملو اســـــــــلم هوا وولدو ..


الدين المعــــــــــــامله

بالله يا حبايبي عاملو الناس كويس عشان يحبو ديننا
ويدخلو .. وازا مادخلو على الاقل سمعتنا تسير حلوا




فان اصبت فيما قلت فهذا من الله وحده
وان اخطات فمن الشيطان ونفسي
والله ورسوله بريئان من خطئي والله اعلم